Wazu Ka Tariqa

Wazu Ka Tariqa: In this we are establishing some important problem during the wazu in Urdu. What is the method of ablution in Islam. Islam gives us every solution in the of Quran and Sunnat.

(23) Gutter Line Ki Amaizish Aur Bad Bu Walay Pani Ka Istemal
Sawal:
Baz martaba ham kisi Masjid mein jatay hain aur wazu kay liye nalka kholtay hain to shurooh mein bad bu dar pani ata hai, pani bazahir saf nazar ata hai aur koee rang ki amaizish nahin hoti laikin pani mein bad bu si mehsus hoti hai. aisi surat mein kiya is pani say wazu kiya jasakta hai ya yeh pani napak tasawur hoga aur is pani say wazur nahin hoga?
Aljawab:
Nalon kay zariye jo bad bu dar pani ata hai aur phir saf pani anay lagta hai is baray mein jab tak bad bu dar pani ki haqiqat maloom na ho ya rang aur bu say napaki ka pata na chalta ho is wat tak is kay napak honay ka hukam nahin diya jaiga. Kiyunkay pani ka bad bu dar hona aur cheez hai aur napak hona dusri cheez hai aur agar tehqiq hojai kay yeh pani gutter ka hai to nal khol dainay kay bad woh jari pani kay hukam mein hojaiga aur pak hojaiga bas bad budar pani nikal diya jai bad mein anaywalay saf pani say wazu aur ghusal sahih hai.
(Mufti Yusuf Ludhiyanvi Shaheed)

(24) Napak Pani Ganda Saf Shafaf Banadainay Say Pak Nahin Hota
Sawal:
Aaj kal science danon nay aisa ala ijad kiya hai kay gandi naliyon kay pani saf o shafaf banadaitay hain. Bazahir is mein koee kharabi nazar nahin ati ab kiya yeh pani palid hoga ya nahin?
Aljawab:
Saf hojaiga pak nahin. Saf aur pak mein bara farq hai.
(Mufti Yusuf Ludhiyanvi Saheed)

(25) Tanki Mein Parinda Gir Kar Phool Jai To Kitnay Din Ki Namaz Lotaee Jain?
Sawal:
Pani ki tanki mein agar parinda gir kar marjai aur phool jai yap hat jai aur is kay girnay ka waqt Bhi Maloom Naho To Kitnay Roz Ki Namazain Lotaee Jaingi?
Aljawab:
Is mein do qol hain aik yeh kay agar janwar phula phata huwa paya jai to is ko tin din ka samjha jai ga aur tin din ki namazain lotaee jaingi dusra qol yeh hai kay jis waqt ilm huwa isi waqt say nijasat ka hukam kiya jaiga pehlay qol mein ahtiyat hai dusray mein asani
(Mufti Yusuf Ludhiyanvi Shaheed)

(26) Miswak Kay Bajai Brush Istemal Karna
Sawal:
Agar koee shakhs bila uzar bajai miswak kay balon ka brush istemal karay to jaiz hai ya nahin?
Aljawab:
Miswak kay baray mein nabi karim mohd Mustafa say jo surat alal mawazebat sabit hai woh yehi hai kay lakri ki miswak ki jai aur lakriyon mein bhi pelu ki lakri ziyadah pasandidah hai. laikin agar lakri ki miswak ittefaqan mojud na ho to ungli ya motay kapray waghairah say dant saf karlaina miswak kay qaim muqam hosakta hai. hadaya mein hai kay miswak na honay ki surat mein ungli say kam chala lay. Is say maloom hota hai brush ka bhi yehi hukam hai agar ittefaqan miswak mojud naho to is ka istemal miswak kay qaim muqam hojaiga. Laikin bator fashion is ki adapt dal laina munasin nahib aur na bila zarurat woh miswak ka qaim muqam hosakta hai. bilkhusus in brushon mein khanzir kay balon kay istemal ka ahtemal bhi hota hai is liye behtar yehi hai kay brush kay istemal say ahtaraz kiya jai kahin miswak hath nai aaey to ungli wagairah say saf karlaynay mein iktefa karain.
(Mufti Mohd Shafi)

Aik dusray jawab mein hazart mufti azam tehrir farmatay hain kay.
Brush agar khanzir kay balon ka hai to is ka istemal haram hai aur gar mashkook hai to tarke ola hai aur agar mashkuk bhi nahin to is ka istemal jaiz hai. laikin bila zarurat miswak ki sunnat kay qaim maqam na hoga. Kiyunkay sunnat mswak lakri hi say sabit hai albatta agar kisi waqt lakri miswak kay qabil mojud na ho to sirf ungli ya motay kapray ya brush waghairah say dant saf karlaina is kay qaim maqam hojata hai olaikin bila zarurat is ki adapt dalna khilaf sunnat hai aur dusri qabahat yeh bhi hai kay asal shar ahlay islam ka yeh nahin.

(27) Nakhun Polish Lagana Kufar Ki Taqlid Hai Is Say Na Wazu Hota Hai Na Ghusal Na Namaz
Sawal: Aaj kal nojawan larkiyan is kashmakash mein mubtala hain kay aya larkiya jo nakhun ko polish lagati hain is ko saf karnay kay bad wazu karain ya polish kay upper say hi wazu hojaiga. Kaee samajhdar aur talim yafta larkiyan aur mohaiz Namazi ortain yeh kahti hain kay nakhunon ki polish saf kiye baghair hi wazu hojaiga.
Aljwab: Nakhunon say mutaliq do bimariyan Orton mein khususan nojawan larkiyon mein bohot ho aam hoti jarahi hain aik nakhun barhanay ka marz aur dusra nakhun polish.
Nakhun barhanay say admi kay hath bilkul darindon jaisay hojatay hain aur phir in mein gandagi bhi reh sakti hai jis say nakhunon mein jarasim paida hotay hain aur mukhtalif alnoh bimariyan janam laiti hai. aan hazrat moh dmustafa das chizon ko fitrt say shumar kiya hai in mein aik nakhun tarashna bhi hai pas nakhun barhanay ka fashion insani fitrat kay khilaf hai jis ko muslim khowatin kafiron ki taqlid mein apna rahi hain.
Muslim khawatin ko is khilaf fitrat taqlid say parhaiz karna chahiya dusra marz nakhun polish ka hai. haq tala shana nay orat kay aza mein fitri husn rakha hai.

Nakhun polish ka masnuee libadah mahaz ghair fitri cheez hai phir is mein napak chizon ki amezish bhi hoti hai wohi napak hath khanay waghairah mein istemal karna tabaee karahat ki cheez hai aur sab say barh kar yeh kay nakun polish ki the jam jati hai aur jab tak isay saf na kardiya jai pani nichay nahin pohonch sakta. Pas na wazu hota hai na ghusal admi napak ka napak rehta hai. Jotalim yafta larkiya aur mohaziz Namazi ortain yeh kehti hain kay nakhun polish ko saf kiye baghair admi pak nahin hota na namaz hogi na tilawat jaiz hogi woh isi mani mein hai jo ham nay bayan kiya hai.
(Mufti Yusuf Ludhiyanvi Shaheed)

(28) Nakhun Polish Wali Mayat Ki Polish Saf Karkay Ghusal Dain
Sawal:
Agar kahin mot agaee to nakhun polish lagi huee orat ki mayyat ka ghusal sahih hojaiga?
Aljawab:
Is ka ghusal sahih nahin hoga is liye nakhun polish saf karkay ghusal diya jai.
(mufti yusuf ludhiyanvi shaheed)
(29) Nail Polish Aur Lip Stick Kay Sath Namaz
Sawal:
Chand roz qabal hamaray ghar ayate karima ka khatam tha jin mein chand rishtay dar ortain aaen jin mein kuch fashion mein malbus theen. Fashion say murad nakhun mein nail polish, badan mein perfume, hoton mein lip stick waghairah tha. Jab namaz ka waqt huwa to namaz kay liye khari hogaeen jab in say kaha gaya kay in chizon say wazu nahin rehta to namaz kaisay hogi? To unhon nay kaha kay Allah tala niyat daikhta hai. To kiya molana sahib nail polish ya perfume , lip stick waghairah say wazu bar qarar rehtahai. Kiya in sab chizon kay istemal kay bad namaz hojati hai? barai mahar bani tafsil say jawab dain nawzish hogi.
Aljawab: Khuda tala niyat ko nahin daikhta balkay yeh bhi daikhta hai kay jo kam kiya gaya woh is ki shariyat kay mutabiqbhi hai ya nahin. Maslan koee shakhs bay wazu nama parhay aur yeh kahay ka khuda niyat ko daikhta hai to is ka yeh kehna khuda aur rasul ka mazaq uranay kay ham mani hoga aur aisay shakhs ki ibadat ibadat hi nahin rehti. Is liye fashion able khowatin ka yeh istadlal bilkul mohmil hai kay khuda niyat ko daikhta hai nakhun polish aur lip stip agar badan tak pani ko na pohonchnay day to wazu nahin hoga aur jab wazu na huwa to namaz bhi na huee.
(Mufti Yusuf Ludhiyanvi Shaheed)

(30) Nakhun Polish Ko Mozon Par Qayas Karna Sahih Nahin
Sawal: Jis terha wazu karkay mozah pehan liya jai to dusray wazu kay waqt paon dhonay ki zarurat nahin hoti sirf jurab kay upper masah karliya jata hai. isi terha wazu karkay nakhun polish laga liya jai to dusra wazu kartay waqt isay churnay ki zarurat to nahin hai?
Aljawab: Chambray kay mozon par to masah bilitefaq jaiz hai jurabon par masah imam abu hanifa kay nazdik jaiz nahin aur nakhun polish ko mozon par qayas karna sahih nahin. Is liye agar nakhun polish lagi hoto wazu aur ghusal nahin hoga.
(Mufti Yusuf Ludhiyanvi Shaheed)

(32) Khushi Sy Ya Jabran Nakhun Polish Laganay Kay Muzamirat
Sawal:
Ham nay ghusal kay faraiz mein parha hai kay saray jisam par pani is terha bahaya jai kay jisam ka koee hissa bal barabar bhi khushk na rahai aaj kal yeh bat fashion mein agaee hai kay hamaray gharon mein ortain nakhunon par polish karti hain jo ziyadah garhi hoti hai aur nakhunon par is ki aik the jam jati hai aur aisay hi baz mard hazrat rang ka karm kartay hain jo jisam kay kiwsi hissay par lag jai to asani say nahin utarta aisi surt main har do kas ghusal janabat say paki hasil kar saktay hain ya nahin. Islam nay orat ko apnay shohar kay samnay zeenat, banao singhar ki ijazat di hai kiya nakhun lagana jaiz hai?
Agar jaiz hai to aisi halat wali orat kay liye namaz tilawat aur khanay pinay kay liye kiya hukam hai?
Aljawab:
Nakhun polish ki agar the jam gaee ho to is ko churai baghair wazu aur ghusal nahin hoga yehi hukam aur cheezon ka hai jo pani badan tak pohonchnay say maneh hon.
(Mufti Yusuf Ludhiyanvi Shaheed)

(1)    Baghair Kulli Wazu Karna Durust Hai
Sawal: Kisi ko kulli kartay waqt mun say khun nikalta hai aur thori dair bad band hota hai tab is ka wazu khatam hojata hai chunkay kulli karnay say wazu tutnay ka andesha hai is liye agar woh kulli na karay namaz parh lay to durust ha ya nahin?
Aljawab: Issi halat mein kulli na karna durust hai baghair kulli kiye namaz sahih hai.
(Mufti Aziz Ur Rehman)

(2)    Miswak Ki Miqdar
Sawal: Miswak Ki Miqdar Kiya Hai?
Aljawab: Dar mukhtar mein hai kay miswak ki miqdar aik balisht hona mutahsib hai. lakin zahir bat yeh hai kay dar asal is ki koee had muqarar nahin hai. jis qadar bhi kar amad hosakay kafi hai. albatta shurooh mein aik balisht ka rakhna ulema nay pasand farmaya hai.
(Mufti Aziz Ur Rehman)
Dalail say maloom hota hai kay balisht sy kam ho to ho magar balisht say ziyadah lambi hona acha nahin hai.
(Mufti Zafir Uddin)

(3)    Wazu Kay Bad Rumal Say Hath Mun Ponchna
Sawal: Wazu karkay rumal say badan sukhana durust hai ya nahin?
Aljawab: Wazu kay aza ko rumal sy ponchna mustehsab aura dab mein say hai. dar mukhtar mein isay adab mein shumar kiya hai. shami nay bhi is ki bohot tafsil likhi hai. khulasa yeh hai kay rumal say ponchna makruh nahin hai balkay jaiz hai.
(Mufti Aziz Ur Rehman)

(4)    Aik Hath Say Wazu Karna Khilaf Sunnat Hai
Sawal: Aik hath sy wazu karna durust hai ya nahin aur gardan ka masah karna kaisa hai?
Aljawab: Aik hath say wazu karna durust hai magar khilafate sunnat hai. bila zarurat aisa nahin karna chahiye. Gardan masah ungliyon ki pusht ko khainch kar jaisa kay maroof hai durust hai.
(Mufti Aziz Ur Rehman)

(5)    Khoon Thook Par Ghalib Ho To Naqiz Wazi Hai Nahin
Sawal: Danton say khun nikal aaey aur namaz mein hon to kiya karay?
Aljawab: Aisi surat mein agar khoon thook par ghalib hojai yani ziyadah miqdar is ki ho to wazur tut jaiga aur is ka andazah zaiqa say hosakta hai kay khoon ka zaiqa thook mein mehsus honay lagay to is waqt khoon ki miqdar thook say ziyadah hogi.
(Kamani Alhadliya Walshamya)

(6)    Aurat Ki Chati Say Dudh Nikalna Naqiz Wazir Nahin
Sawal:
Aurat kay pistan say dudh ka nikalna ya behna wazu tota hai ya nahin?
Aljawab:
Naqiz wazu nahin dar mukhtar mein hai kay wazu insani badan sy najis cheez kay  nikalnay say tutta hai laihaza jo cheez najis nahin is ka nikalna naqiz wazi nahin.
(Mufti Aziz Ur Rehman)

(7)    Ghutna Ya Ssatar Khulnay Ya Isay Hath Laganay Say Wazu Nahin Tutta
Sawal: Mashoor hai kay ghutna khulnay say wazu tut jata hai. kis kis satar kay khulnay say wazu tutta hai? naizr kiya satar ko daikhnay ya chunay say wazu tut jata hai. baz log kehtay hain kay barhana ghusal karna say ya khuli jagha nahanay say wazu nahin rehta.
Aljawab: Yeh ghalat mashoor hai kisi satar khulnay say wazu nahin tutta. Aur na hi isay daikhnay ya chunay say wazu tutta hai aur na hi barhana nahanay say wazu tutta hai.
(Mufti Aziz Ur Rehman)

(8)     Jo Ratubat Bahar Na Aaey Woh Naqiz Wazu Nahin
Sawal: Bawasir ki phunsi mawad nikalnay kay bad dad ki terha hojai aur is kay ander ratubat ho magar behnay wali nahin ho albatta uthtay baithtay kapray ko lagti ho ti is surat mein wazu tut jata hai ya nahin? Aur kapra napak hota hai ya nahin?
Aljawab:
Jo ratubat zakham say bahir na bahay aur bahnay wali na ho to is say wazu nahin tutta. Kazani kutub alfiqa aur kapra bhi napak nahin hota kiyunkay fiqha nay qaida kuliya likha hai kay jo cheez hadas ka bais nahin woh najis bhi nahin. Laihaza jo surat aap nay tehrir farmaee hai is mein na wazu tutta hai na kapra napak hota hai faqat
(Mufti Aziz Ur Rehman)

(9)    Aankh Say Nikalnay Walay Pani Ka Hukam
Sawal:
Bahishti zever hissa awwal nowaqiz wazi kay zail min likha hai kay agar aankhain aaee hon aur khatakti hon to pani behnay aur nasu nikalnay say wazu tut jata hai aur agar aankhain na aaee hon is mein kuch khatak ho to ansu nikalnay say wazu nahin tutta. Agay chal kar bator qaida kuliya darj hai kay jis cheez kay nikalnay say wazur tut jata hai woh najis hai. aisi surat mein jab bachon ki aankhain dukhti hain aur in ki aankhon ka  pani aksar maan waghaiah kay kapray ko tar kardaita hai kiya is kapray say baghair dhuay namaz jaiz hai ya nahin?
Aljawab:
Iss maslay mein ail qol yeh hai jo bahishti zaver mein manqulah hai aur qaida mazkurah bhi sahih hai. aur dusra qol yeh hai kay ankhain dukhnay walay ki aankh say jo pani niklay woh naqize wazu nahin hai. is surat mein woh najis bhi na hoga. Shami meim maniya lay hawalay say imam mohd say peep kay khof say har waqt namaz kay liye wazu karnay ka qol manqul hai. fatah alqadir mein is qol ko istehbab par mamul kiya hai. shamsi laihaza is bina par woh  pani jo dukhti aankh say niklay, jab tak mutaghair na ho maslan is mein surkhi waghairah na ho balkay saf pani ho to woh naqiz wazu na hoga aur nahi najis hoga.
(Mufti Aziz Ur Rehman)

(10)    Dard Ki Wajah Say Aankh Sy Pani Ana Naqiz Wazu Hai
Sawal: Ankhon say jo pani dard kay sath baramad ho woh naqiz wazu hai ya nahin?
Aljawab: Dar mukhtar mein hai kay dard kay sath aankhon say pani nikalna naqiz wazu hai.
(Mufti Aziz Ur Rehman)

(11)    Ghusal Say Pehlay Wazu Karnay Ki Tafsil
Sawal: Aap nay ghulam aur wazi kay mutaliq tehrir farmaya hai kay ghusal karnay say wazu hojata hai is liye ghusal kay bad wazi karnay ki zarurat nahin nama parhi ja sakti hai balkay jab tak is ghusal say kam az kam do rakat na parh li jain dobarah wazu karna gunah hai. tasalli o tashafi kay liye aur deegar mujh jaisay qarain ki blai ki khatir zara tafsilan is maslay ki wazahat farmain jaisa kay aap kay ilm mein hai kay wazi mein aik martaba chothaee sirka masah karna farz hai ab agar aik shakhs par ghusal karna farz haitab to wo wazu bhi karay ga laikin aik shakhs paki ki halat mein ghusal karta hai to zahir hai woh wazu nahin karay ga phir chothai sirka masah chay mani darad? Aur woh kis terha sirf ghusal say namaz parh sakta hai aik hadis pashay khdmat hai. Hazrat Aisha Razi Allah Anha say riwayat hai kay “Aan Hazrat Mohammad Mustafa ghusal kay bad wazu nahin kartay thay aur ghusal say pehlay jo wazu kartay thay isi par iktefa farmatay thay” Mandarja bala hadis say yeh bhi sabizt huwa kay Hazoor-e-Aikram mohammad Mustafa ghusal say paylay kay wazi par iktefa farmatay thay yani wazu zaroor farmatay thay laihaza mandarja bala hadis ki roshti mein tehrir farmain kay baghair wazi kay ghusal say namaz parhi jasakti hai ya nahin jabkay sirka masah wazu mein farz hai?
Aljawab:
Wazu nam hai tin aza mun hath aur paon kay dhonay aur sar kay masah karnay ka aur jab admi nay ghusal karliya to is zaman mein wazu bhi hogaya ghusal sayu pehlay wazu karlaina sunnat hai jaisa kay aap nay hadis sharif naqal ki hai. Laikin agar kiisi nay ghusal say pehlay wazi nahin kiya tab bhi ghusal hojaiga aur ghusal kay zaman mein wazu bhi hojaiga. Masah kay mani tar hath sar par phairnay kay hain jab sar par pani dal kar mal liya to masah say barh kar ghusal hogaya. Bahar hal awam ka yeh tarze amal kay woh ghusal kay bad phir wazu kartay hain bilkul ghalat hai wazu ghusal say pehlay karna chahiya takay ghusal ki sunnat ada hojai ghusal kay bad wazi karnay ka koee jawaz nahin.
(Mufti Yusuf Ludhiyanvi Shaheed)

(12) Nahanay Kay Bad Wazu Ghair Zaruri Hai
Sawal:
Nahanay kay bad baz logon say suna hai kay wazu karnay ki zarurat nahin rehti quran o hadis ki roshni mein jawab dain kay aya nahanay kay bad wazi kay na karnay ka tariqa durust hai ya nahin?
Aljawab:
Nahanay say wazu bhi hojata hai bad mein wazu ki zarurat nahin.
(Mufti Mohd Yusuf Ludhiyanvi Shaheed)

(13) Wazi Mein Niyat Shart Nahin
Sawal: Wazi karnay kay liye niyat karna zaruri hai ham nay kitab mein parha hai kay mun hath dhonay mein wohi kam kiya jata hai jo wazu karnay mein kartay hain agar wazu ki niyat nahin ki gaee to wazu nahin hoga balkay sirf mun hath dhona huwa. Is kay alawah wazu mein jo faraiz hain wohi agar choot gaey to phir wazi kaisay huwa?
Aljawab:
Niyat karna wazu mein farz nahin. Agar mun hath paon dholiye jain aur sar ka masah karliya jai kay yehi char cheezain wazu mein farz hain to wazu hojata  hai albatta wazu ka sawab tab milay ga jab wazu ki niyat bhi ki ho.
(Mufti Yusuf Ludhiyanvi Shaheed)

(14) Baghair Wazu Kiye Mahaz Niyat Say Wazu Nahin Hota
Sawal:
Aksar maqamat par aur masajid mein pani ka intezam nahin hota aur phir wazu kay liye kafi taklif hojati hai ham nay suna hai kay agar kahin pani dastiyan na ho to wazu ki niyat karnay say wazu hotaja hai. kiya aisa hosakta hai agar wazu hosakta hai to is ki niyat bhi aisay hi karni hoti jaisay ham pani kay sath wazu kartay waqt kartay hain.
Aljawab:
Mahaz wazu ki niyat karnay say wazu nahin hota aap nay ghalat suna hai. shariyat ka hukam yeh hai kay agar kisi jagha wazu kay liye pani dastiyan na ho to pak matti say taimum kiya jai aur pani dastiyab na honay ka matlab yeh hai ka pani kam say kam aik meel door ho. Iss liye shahar mein pani kay dastiyab nahonay ki koee wajah nahin. Jungle mein aisi surat paish asakti hai.
(Mufti Husuf Ludhiyanvi Shaheed)

(15) Abe Zamzam Say Wazu Aur Ghusal Karna
Sawal:
Molana sahib mein makka mukarrama mein rehta hoon kaee dinon say is maslay par din mein uljhan rehti hai barai maharbani is ka sharaee hal batain aap ka shukar guzar rahoon ga. Molana sahib ham pakistan mein thay to aabe zam zam kay liye itni mohabbat thi kay kuch bata nahin saktay ab bhi wohi hai aik qatray kay liye tarastay thai. Yehan log wazu kartay hain. Kiya yeh jaiz hai ya nahin . namaz kay liye wazu karna jaiz hai ya adab kay khilaf hai. tafsil say jawab likhain.
Aljawab:
Jo shakhs ba wazu aur pak ho woh agar mahaz barkat kay liye aabe zamzam say bhigona bhi durust hai. Laikin bay wazu admi ka zam zam sharif say wazu karna ya kisi ajnabi ka is say ghusal karna makruh hai. Zarurat kay waqt jabkay dusra pani na milay zam zam sharif say wazu karna to jaiz hai magar ghusal karna janabat bahar hal makruh hai.
Isi terha agar badan ya kapra par nijasat lagi ho is ko zamzam sharif say dhona bhi makruh balkay baz jagha haram hai. Yahi hukam zamzam say intenja karnay ka hai. Naqal kiya gya hai kayy baz logon nay aabe zamzam say istenja kiya to in ko bawasir hogaee. Khulasa yeh kay zazam nihayat mutabarik pani hai is ka adab zaruri hai. Is ka pina mojib khair o barkat hai aur chahray par,sar par aur badan par dalna bhi mojib barkat hai. Laikin nijasat zail karnay kay liye is ko istemal karna narwa hai.
(mufti yusuf ludhiyanvi shaheed)

(16) Pahlay Wazu Say Namaz Parhay Baghair Dobarah Wazu Karna Gunah Hai
Sawal: Agar kisi ko ghusal ki hajat nahin hai yani woh pak hai woh sirf nahati hai zahir ya nahanay mein is ka jisam sar say lay kar pair tak bhigay ga is surat mein woh orat baghair wazu kay namaz parh sakti hai ya nahin yad rahay kay woh orat sirf nahaee hai. is nay na nnahanay say pehlay na nahanay kay bad wazu kiya balkay sar say pair tak pani bahaya hai.
Aljawab: Ghusal karnay say wazu hojata hai is liya ghusal kay baz wazu karnay ki zarurat nahin namaz parh sakti hai balkay jab tak is ghusal say kam say kam do rakat ya koee dusri ibadat jis mein wazu shart hai ada na karli jai dobarah wazu karna makruh hai.
(Mufti Yusuf Ludhiyanvi Shaheed)

(17) Jis Ghusal Khana Mein Peshab Kiya Ho Is Mein Wazu
Sawal: Hamaray ghar mein aik ghusal khana hai jahan ham sab nahatay hain aur rat ko uth kar paishab bhi kartay hain aur mujhay namaz parhni hoti hai kiya is ghusal khana mein wazu karna jaiz hai?
Aljawab: Ghusal khanay mein peshab nahin karna chahiye is say waswasa ka marz hojata h ai aur agar is mein kisi nay peshab kardiya ho to wazu say pehlay is ko dhokar pak karlaina chahiye.
(Mufti Yusuf Ludhiyanvi Shaheed)

(18) Miswak Karna Khawatin Kay Liye Bhi Sunnat Hai
Sawal:
Kiya namaz say paylay wazu mein miswak karna Orton kay liye bhi isi terha sunnat hai jaisay mardon kay liye?
Aljawab:
Miswak khowatin kay liye bhi sunnat hai laikin agr in kay masurhay miswak kay mutahamil nah on to in kay liye dandasa ka istemal bhi miswak kay qaim muqam hai jabkay miswak ki niyat say is ka istemal karain.
(Mufti Yusuf Ludhiyanvi Shaheed)

(19) Raat Ko Sotay Waqt Wazu Karna Afzal Hai
Sawal:
Kiya rat ko sotay waqt wazu karna afzal hai?
Aljawab:
Ji han afzal hai.
(Mufti Yusuf Ludhiyanvi Shaheed)

(20) Dant Say Khoon Nikalnay Par Kab Wazu Tutay Ga?
Sawal:
Kulli kartay waqt mun mein khun nikal jata hai khun halaq mein nahin jata bas dant mein say nikal jata hai aur mein foran thook daita hoon to aap say yeh maloom karna hay kay mun mein khoon anay ki wajah say wazu tut jata hai ya nahin. Kiya dobarah wazur karna chahiye?
Aljawab:
Khun nikalnay say wazur tut jata hai basharta kay itna khun nikla ho kay thook kar rang surkhi mail hojai yam un mein khun ka zaiqa anay lagay.
(Mufti Yusuf Ludhiyanvi Shaheed)

(21) Wazu Kartay Waqt Orat Ka Sar Ka Nanga Rehna
Sawal:
Kiya wazu kartay waqt orat ka sar par dupatta orhna zaruri hai?
Aljawab:
Orat ko hatul waseh sar nanga nahin karna chahiye magar wazu hojaiga.
(Mufti Yusuf Ludhiyanvi Shaheed)

(22) Wazu Kay Darmiyan Salam Ka Jawab Daina
Sawal:
Wazi kartay huway aur khanay kay doran salam ka jawab daina zaruri hai ya nahin jabka salam karnay walay ko masla maloom na ho to wazu mein masruf honay ki wajah say narazi aur ghalat fahmi hosakti hai.
AlJawab:
Wazu kay doran salam aur jawab mein koee haraj nahin,khanay kay doran salam nahin kehna hahiye aur khanay walay kay zimmay salam ka jawab daina wajib nahin.
(Mufti Yusuf Ludhiyanvi Shaheed)