magurdu.com urdu

 
       Home >> Health>> Women>> Pregnancy >> Pregnancy Problems In Urdu And Hindi

Pregnancy

Pregnancy Problems in Urdu and Hindi: In this page we will discuss in question answer format about the problems during pregnancy; especially how to protect from abortion and miscarriage, diet during pregnancy and Blood pressure of a pregnant women. All information will be in Urdu and roman Hindi in question and answer format. Hamal is the term used in Urdu for pregnancy.

  Table of Content  
  .                                                                                                                             .
Pregnancy In Urdu


Pregnancy In Urdu  


.                                                                                                                             .


 


.                                                                                                                             .
Pregnancy In Hindi

Signs Of Pregnancy
Istaqrar hamal hone per aurat mein mandarjah zeel tabdeelyan ya alaamat zahir hoti hain.
1-    Haiz Ka Rukjana   
istaqraar hamal kay waqt aurat ko haiz yani mahwari aana band ho jati hai yeh barhi alaamat hai, baaz auraton ko pehlay teen mah mein thorha buhat aata hai, aur baaz ko sirf aik mah band honay kay baad phir shoro ho jata hai, lekin yeh haqiqat hai keh aik dafa haiz band zaroor hota hai.
2-Matli Aur Qai Aana
Hamal thahernay kay teen chaar haftay baad hamlah aurat ki tabiyat mein susti aajati hai, gi matlane lagta hai, subha kay waqt khansi aati hai, aur qai bhi aanay lagti hai, yeh halat 14-15 haftay rahti hai. Lekin baaz auraton ko bachah jantay tak yahi halat rahti hai.
3-Pastanon Ki Tabdeli
Istaqrar hamal kay baad hamla ki pastanon mein numaya tabdili aati hai.
Chati barhnay lag jati hai. Pastaanon kay ird gird kalay rung kay dairay ban jatay hain pastanon mein doodh aanay lagta hai yeh khaas alaamat hai keh aurat hamlah hai. Hamla kay cheray per siyahyan phail jati hain.
4-Andaam Nehani Ki Halat
Andaam nehani se sufaid rung ki ratoobat nikalnay lagti hai. Raham ki jisamat pahlay say barhi ho jaati hai istaqrar hamal say pahlay is ka size
 2 ˝ inch hota hai aur wazan ˝ pao ho jata hai. Raham barhtay barhtay aathwain mahinay mien naaf say oper aajata hai. Naween mahinay mien shikam tak aajata hai.
5- Shikam Ki Halat
Istaqrar hamal kay chatay mahinay mein shikam ki deewar oper ko uthti hai. Is mein tanaao aajata hai. Shikam ki deewar per zardi maa'l lakeerain numayan hoti hain.
6- Jinion Ki Harkat
Bachay ki paidaaish jinion kay barhnay say hoti hai, yeh hamlah kay pait mien parwarish patay hain jinion 16-20 hafton mien harkat kanay lagta hai is ki harkat maa'n kay pait per haath say mahsoos ki jasakti hai.
7- Thook Aur Peeshab
Hamlah kay monh say bar bar thook aata hai munh pani say bhar jata hai, is kay sath sath isay peeshab kasrat say aur bar bar aanay lagta hai, hamla ki tabiyat bhojhal si mahsoos hoti hai, isay thakan aur  thakawat rahnay lagti hai.

Ectopic Pregnancy

Is halut mien bacha uterus ki cavity ki bajaye kisi aur jagah ya ovary mein growth karta hai. Jabkeh normal halut mein aurat ka fertilize andaa uterus  ki cavity mein moqeem hota hai. Aksar mushahida kia gia hai keh taqreeban 89% is tarah ke cancer mein fertilized andaa felopin tube ki andarooni satha per moqeem ho kar barhta hai aurat ke liye ye buhat pacheedgian paida karta hai.
Causes (Asbaab)
Is coundition ki wajah aurat ko pahlay pelvic diseases ho sakti hai pait main appendix ke phatne ki wajah ho sakti hai tissues mein infection ho sakti hai.
Clinical Features (Ilamaat)
Aurat ko ghair normal bleeding shoro ho jati hai pait ke nichle hissey per aik lumps ban jata hai aur dard hota hai agar ectopic pregnancy Fallopian tubes kay andar ho to fallopian tubes phat jati hai. Aur mareeza kay pait mein shaded dard hota hai blood pressure gir jata hai aur mareeza ki halat serious hojati hai.
Laboratory Test
HCG hormones ki level kam hogi.
Ultrasound se pata chal sakay ga keh utérus ki cavity khali hogi.
Pelvice ki laparoscopy ki jaye agar is kay andar bleeding ho to vagina kay culdesac mein seringe kay zareeye khoon ko aspirate kia jaye. Jo peri tonium mien bleeding ko zahir karta hai is se ectopic pregnancy ki tashkhees ho jaye gi.
Treatment Ilaaj
Mareeza ko foran hospital dakhil karwaya jaye. Laparoscope kay zareeye Fallopian mien se tissues ko nikal dia jaye. Agar fallopian  tube phat chuki ho to ise mukammal tor par  nikal dein.
Mareeza ko anti biotics dein khoon ki kami poori karne ke liye blood transfusion ka intezam karein. Agar pait ki cavity mein bleeding ho to condition intehai serious hai. Mareeza ki intehai nighadasht ki jaye

Puerperal infection | Zachgi kay baad bukhar
Zachgi kay baad aura ton ko bukhar aur preshani aam hai. In ki teen hisson main taqseem karsakte hain.
1.    maternity Blues
2.    Post Partum Psychosis
3.    Post Natal Depressive illness
1. Zachgi kay do teen baad aura ton mien jazbaati napaa'edari, kharash pazeeri aur anso'on ki takleef ho jati hai ye taqreeban 50% aura ton mien hoti hai. Ye chand dinon mein theek ho jati hai.
2- post partum psychosis 500-1000 mein se sirf aik baar hoti hai. Yeh delivery kay do din baad shoro hoti hai aura ton mien preshani paida hoti hai aura ton mien yeh shubhaat paida hote hain keh bache ki shakal kharab hai yeh koi beemari hai ya koi hawai asar hai. Janoon paida hone se ise khialat ubharte hain keh ya khood kashi karlain ya bache ko qatal kardain.
Zachgi kay aik saal kay doran taqreeban 10 % maao'n  ko yeh dabao hota hai keh is kay sosraal walon ka kia salook hoga khawand ka rawayah kaisa hoga yeh soch kar in ko bukhar sa rahta hai.
In halat kay ilawa delivery kay baad andarooni infection ki wajah se aura ton ko bukhar hojata hai. Yeh bukhar 100 F se ziada hota hai yeh bukhar mandarjah zeel jarasim ki wajah se hota hai.
Strepetocus, E coli, enterococcus, peptostreptococcus waghairah.
Delivery se pehlay pani ki jhillia'n phat janay se jarasim vagina se oper uterus mien dakhil ho jate hain delivery kay doran zakhum aanay se infection ho jati hai aur bukhar charh jata hai agar infection khoon mien dakhil ho jaye to sakht bukhar hota hai pelvic ki wareedo'n mien zakham aane se bukhar laga tar charta hai aur bawajood anti biotique kay istemal kay kay istemaal kay taiz ho jata hai.
Laboratory Test
Mareezah kay khoon, peeshab, balghum ka test kia jaye chaati ka x-ray lia jaye servex  aur utérusse troobatain lay kar in ka culture kia jaye in testo'n se jarasim aur infection ka pat achale ga.
Treatment | Ilaaj
Mareeza ko agar bukhar depression ki wajah se hai to ise anti depression dain Citalopram, Fluozetin, Clomipramox mareezah ko dain. Khorak ki moqdaar 20-60 mg hai.
Ampicillin Injection 1gm bazarya wareed har 6 ghante baad lagain. (Delacin C Inj) 600-900 mg bazaria wareed har 8 ghante baad lagain.
Mareezah ki zahni pareshani dard karne kay liye ise tasali dain keh Allah ne kina khoobsurat bachah dia hai. Is se sosraal wale, waldain aur khawand  sabhi behad khosh hain.
Dermatoses of pregnancy
Hamal kay doran jild mien choti choti tabdeelyan aati hain yeh char tarah ki hain.
1-    hamal kay doran mukhtalif dhabay parna
2-    Polymorphic Eruption of pregnancy
Is tarah se surkh dhabbe pahli pregnancy kay aakhri semester mien nikalte hain yeh chobhne wale aable hotay hain. Aur ghalban choti phunsian hoti hain. Yeh amooman pait se shoro hote hain aur phir baazo'n aur raanon tak phail jatay hain naaf per nahi hote.
Treatment
Is condition ka ilaaj bland emollients aur lateef strides se kia jata hai. Bache ki paidaish kay baad garmi danay gaib ho jate hain.

 


.                                                                                                                             .


 


.                                                                                                                             .
Pregnancy In Urdu And Hindi

Question 1: Hamal ke mahina ka hisab lagane ka tareeqa kiya hai?
Meri shaadi hoye aik baras ho gia hai. Ab mein haamlah hon. Doctor kay kehnay kay mutabiq mujhay mahinay ka hamal hai, jabkeh meray hisaab say teen hi mahinay lagtay hain. baraye maherbaani batayain keh hamal kay pooray mahinay ka hisaab laganay ka tareeqah kia hai?

Answer 1: Agar aap ko apnay maahwari chakkar ki tareekhain thik say yaad hain, to koyi mushkil nahi honi chahiye. Guzashta pehlay din say mahinay ginna shoro kia jata hai. yani jis tareekh ko aap ko mahwari aana thi, agar iss per nahi aayi to samajhna chahiye keh istaqrar hamal hoye aik ma how chukka hai. iss tarah no mahinay ka hisaab lagaya jata hai aur phir iss mein saat din shamil kar diye jatay hain. saat din shamil karnay kay baad jo tareekh aati hai, isay zachgi ka din tasleem kia jata hai. zachgi ka din moqarrar karna kisi kay liye bhi mushkil hai kiun keh tareekh kay aagay peechay hona maamuli baat hai.

Question 2: Beta paida kerne ka tareeqa
Main nay kayi akhbaaron rasalon mein parha hai keh kisi khaas waqt aur khaas tareeqay say agar miyan biwi mubaashrat karain to beta zaroor paida hota hai. Kia in baaton mein waqai koyi sachaayi hai?

Answer 2: Ji han. log iss qisam kay tajurbaat to kar rahe hain aur dawa bhi kartay hain keh in kay tajurbaat kafi had tak kaamyab hoye hain. lekin jahan tak ham doctors ki maaloomaat hain, hum beta ya beti hona mahaz aik qismat hi tasleem kartay hain. Iss qismat ko kisi amal say baandha nahi ja sakta. beti ho ya beta, ahum yeh hai keh bacha sehat mand hona chahiye.

Question 3: Mera dil pareshan rehta hai
Meri umer 25 saal hai. Main peli dafa hamlah hoyi hon. maaloom nahi, kiun mujhay jitna khush hona chahiye, mein nahi ho pati hon. Har waqt dil pareshaan sa rahta hai. halka halka dard pait mein rahta hai, likin qai nahi aati . Jisam kamzore  aur sust sa lagta hai. kia aisa sab kay sath hota hai? Kia pooray no mahinay meri tabiyat aisi hi rahay gi?

Answer 3: Aap bilkul fikar na karain. Hamal kay shoro kay dinon mein kuch auraton ko bilkul aisa hi lagra hai, jaisa keh aap ko lag raha hai. Jism mein hoti tabdeeli ki aadat jism ko aahistah aahista parhti hai. aap dakhain gi keh teesray mahinay kay baad say aap ki tabiyat khood ba khood thik ho jaye gi. dard kay liye baaqaidah doctor say mashwarah leti rahain. per umeed bani rahin, koyi fikar ki baat nahi.

Question 4: Pehli baar hamla ko kia ehtiat kerni chahiye?
Main peli baar hamlah hoyi hon. Mujhay kia ahtiaat karni chahiye? zachgi say pehlay aur baad mein mubaashrat kab noqsaan dah ho sakti hai?

Answer 4: Ssab say pehli baat to yeh hai keh apna check up baaqaidah karwati rahain. khana ghizayat say bharpoor lain, bhari na lain. doodh aur dhoodh say bani chizain lain. hari sabziyan, phal baqaidah tor say lain. zahni tanao say door rahain aur aaram bhi karain. ghar ka kaam barabar  karti rahain, lekin itna hi jatna aap ki doctor kahe. baaqaidah tor par shaam ko tahelnay jayein. Mubashrat bilkul mana to nahi , lekin zachgi say pehlay teen mahinay aur zachgi kay aakhri teen mahinay mubashrat na hi karain to acha ho ga. zachgi kay baad khoon ka selaan band ho jaye to mubashrat mumkin hai.

Question 5: Mein jald pregnant hona nahi chahti.
Hamaray shaadi ko kuch hi din hoye hain. hum jald hi bacha nahi chahtay. aap baraye meharbani yeh batayain keh mahinay mein kon say din "mahfoze" samajhay jatay hain aur kon say "Khatray" kay hotay hain.

Answer 5: Amooman " Mahfooz din" yani wo din, jab hamal theharnay ka imkaan nahi hota. mahwari kay pelay din say aath din, aur mahwari ki tareekh say pehlay aath din tasleem kiye jatay hain. lekin yeh in auraton kay liye sahi hai, jinhain har 28 din par mahwari shoro hoti hai. be qaidah mahwari chakkar ho to "Mahfooz" dinon ka maalom karna mushkil hota hai. mahwari shoro honay ki tareekh say choda din pehlay "oviation" ho ta hai aur isi waqt hamal theharnay ka imkaan hota hai.

Question 6: Hamal aur shohar se jismani taluq
kia hamal thehartay hi khawand say jismaani taaluq per pabandi laga deni chhiye. aap iss baray mein kia raye deti hain?

Answer 6: Hamla honay par khaas kar agar pehli bar hamla ho rahi hain, to har tarah ki ahtiyat karna acha hota hai. sab say pehlay apni doctor say mashwarah karain. agar sab kuch normal ho to zindagi bhi normal tareeqay say chal sakti hai. miaan biwi ko jismaani taalluq par poori tarah pabandi to nahi lagana chahiye. lekin han, ahtiyat karna zaroori hai. khaas kar pehlay teen mahinon aur aakhir kay do mahinon main acha ho agar aap apni doctor say bhi iss baray mein khul kar baat kar lain.

Question 7: Hamal aur Blood Pressure
Main 27 salah shaadi shudah hon. hamlah honay kay do mahinay kay andar andar mera blood pressure barhnay laga. bohat si dawaiyan lain aur khanay par control rakha. phir bhi pooray no mahinay blood pressure high hi raha. meray pooray jism par sojan rahi, aur zachgi bhi takleef do rahi. bach bohat hi kamzoor paida howa aura b chatiyon mein doodh bhi nahi utarraha hai. bachay kay bhi chati say doodh peenay ki taqat nahi rahi ahi. kia yeh sab blood pressure kay liye khayi  gayi dawaiyon kay bais to nahin ho raha hai? main kia karon? aayindah kay liye kia ahtiayaat karon?

Answer 7: Hamlah honay par blood pressure ka ghair maamoli tor say barhay rahna bohat hi khatarnaak baat hai. yahan tak keh iss tarah bachay ya maan ki jaan bhi ja sakti hai. bachay ka itna kamzore honay ki bhi yahi wajah hai. chatiyon mein doodh matloobah moqdaar mein nahi aaraha hai. yeh maslah high blood pressure ki wajah say nahi hai. yeh aik qudrati maslah hai. iss ka fikar na karain. bachay ko dabbay ka doodh doctor say mashwarah lay kar ahtiat say dain. aayindah kay liye yahi kaha ja sakta hai keh pelay mahinay say hi doctor say mashwarah leti rahain, in ki hidaayat ki poori tarah say pabandi karain.

Question 8: Mera bachcha kamzor paida hua aur phir fout ho gaya.
shaadi kay aik saal baad main hamlah hoyi. pooray 9 mahinay main doctor ko dekhati rahi, phir bhi zachgi kay waqt bacha ulata ho gia aur barhi mushkil say "saurian" kay zareeya  paida howa. bachah itna kamzor tha keh das din kay baad hi is ski wafat ho gayi. aisa kiun howa? kia aayindha bhi aisa ho sakta hai? main kia karon, jis say aayindah sahat mand bacah paida ho? bohat hi mayoos ho gayi hon.

Answer 8: Main aap ka dard  ka dard samajh gayi hon, lekin iss tarah mayoos nah on. bacha kay etnay kamzor honay ki kayi wajohaat ho sakti hain. Bachay tak matlooba moqdaar main ghiza ka na pohanch pana ya maan kafi din high blood pressure mein mubtila rehna ya phir "Plastain" main kamzori hona. kabhi kabhi "chromosomes" mein kharabi honay ki wajoohaat bhi bachay par bura asar daalti hain. in wajoohat ko tojah mein rakhtay hain apni doctor ya phir kisi doosri mahir doctor say mashwarah lain aur dobarah in hi baton ko towajah main rakh kar moyainah karayain. iss tarah yeh maaloom ho sakay ga, keh bacha itna kamzor kiun tha? wajah maaloom honay say agli baar aap muhtat rah sakti hain. aur doctor ki raye kay mutabiq amal kar kay aik tandurust bachay ko paida karain gi.

Question 9: Hamal ke alamaat
Meri shaadi kuch hi mahinay pehlay hoyi hai. Mujhay abhi kuch din hoye maaloom howa hai keh main hamlah hon. waisay main tandurst hon aur hameesha rahi hon. lekin aik mahinay say jism ko totna, chakkar aana, bhook na lagna, sar bhari rahna. saray jism main aik susti ka bana rahna waghairah say pareshaan hon. kia aisa har hamlah aurat kay sath hota hai? mujhay koyi bimaari to nahi?

Answer 9: Aap kay khat say aisa to nahi lagta keh aap ki elaamaat kisi bimaari ki alaamaat hain. istaqrar hamal kay ibtedaayi dinon mein kabhi kabhi aiksi halat ho jati hai. jaisay jaisay jism istaqrar hamal ki tabdeeliyon ka aadi ho ga, waisay hi susti, jism ka tootna waghairah takleef kam hoti jayain gi. yeh takleef amooman har aurat ko thori bohat hoti hain. maaloom hota hai keh zachgi ka khof aur apnay baray pareshaani aap ki sehat par asar andaaz ho rahi  hai. mustabil kay baray par umeed rahain. quwat bakhsh ghiza lain aur check up baqaidagi say karati rahain.

Question 10: Hamal aur Warzish
Meri shaadi hoye do baras hoye hain. kuch hi din pahlay maaloom howa hai keh main hamlah hon. main nay kahin parha hai keh hamlah honay par bhi thori bohat warzish kartay rahna chahiye. iss say zachgi kay waqt ziadah dard aur pechidgian nahi hoti hain. kia ye sach hai?mujhay kis tarah ki warzishain karni chahiye?

Answer 10: Yeh aap ka pehla moqa hai. jitni ahtiaat ki jaye, utna hi acha hai. apni doctor ki raye la lain. Agar sab kuch normal tareeqay say chal raha hai, to halki phulki warzish karna bhi mufeed ho ga. warzish kay liye bas tehalna breathing exercises aur maamoli ghar ka kaam hi kafi rahe ga. koyi bhi bhari aur  thakawat danay wala kaam na karain. zachgi kay baad aap warzish karain, takeh jism mein chusti phurti rahay. doctor say baaqaida check up karati rahain.

 


References

  
 

Related Articles:

Breast Pistaan In Urdu And Breast In Roman Hindi    How To Enlarge My Small Breast In Urdu And Hindi    Abortion Or Miscarriage Problems in Urdu And Hindi    Menses Or Menstrual Cycle Problem In Urdu And Hindi | Mahwari Ka Ilaj    Breast Problems In Urdu And Hindi | Pistaan Size   
Last Update: 31-Dec-11 02:54

pakrishta.com |  noorclinic.com |  pakseoguide.com |  world313.com |  pakservice.com  | 
© Copyright 2003-2018  www.magurdu.com , All Rights Reserved    Contact Us    Last updated: 9th Oct 2011